شارع خالد بن الوليد بالإسكندرية Khaled ibn elwaled street in Alexandria

شارع خالد بن الوليد بالإسكندرية Khaled ibn elwaled street in Alexandria

السلام عليكم جوله جديده من جولاتنا في اسكندريه ومكان جديد بنصوره من اماكن اسكندريه جولتنا النهارده في شارع خالد ابن الوليد والحقيقه دي مش اول مره انزل فيديو عن خالد ابن الوليد او شارع خالد بن الوليد صورنا شارع خالد بن الوليد قبل كده بس كان في عز موسم الصيف وقد ايه النهارده هتشوفوا ان الشارع مختلف تماما ان احنا حاليا خلاص داخلين على الشتاء وبدانا موسم المدارس وما فيش زحمه كتير في اسكندريه يعني اسكندريه يا دوب لاهلها اليومين دولا فهتشوفوا ان الشارع مختلف جدا لما صورناه في الصيف كان قد ايه زحمه وكان قد ايه دوشه وكان قد ايه في ناس كتير يعني درجه كنا بنخبط في الناس واحنا ماشيين بنصور لكن حاليا هتلاقوا بقى يعني الشارع اهدى شويه لكن اهدى نسبيا طبعا لان برده ده شارع تجاري وكله محلات وفي حركه بيع وشراء وكده بس طبعا مش بالكثافه بتاعه الصيف نظرا في الصيف بيبقى وجود المصيفين من كل المحافظات وبيبقى في ضغط جامد على اسكندريه وشوارع اسكندريه وشواطئ اسكندريه فطبعا بيبقى الجو غير كده خالص حاليا بصوا زي زي ما انتم شايفين يعني الشارع تحس انه اوسع قادرين نمشي عادي المحلات يعني الحركه فيها هاديه غير ان كمان اليوم اللي كنا بنصور فيه ده كان فيه ازاله فطبعا ما كانش في فروش الرصيف سبحان الله انا كل ما اروح اصور يبقى في ازاله يعني حتى الناس لما بلاحظهم متضايقين ان انا بصور بقول لهم هو كده كده في ازاله انا مش هضركم في حاجه لان طبعا بيخافوا من اللي بيصور بيبقى تابع المحافظه او يبقى اصلا بيبعت الفيديوهات دي لحد مسؤول علشان ال الاشغالات والكلام ده بس انا ما بحبش اذي حد يعني انا ما بصور الفيديو بتاعي ماليش دعوه بالكلام ده وكلامي على اصحاب الفروش طبعا يعني دول اكث ناس بيقلقوا من التصوير مش كلامي على الناس العاديه اللي في الشارع او اللي معديين او كده لا مش بيشغلوا دماغهم لكن اكت حد بتلاقيه قلقان قوي موضوع التصوير ده اللي هم ايه اصحاب الفروش اللي بيفرشوا في الشارع من غير من غير ترخيص او من غير ما يكون له مكان يعني شوفوا بس هو بسبب بقى الجو زي ما بقول لكم كده موسم المدارس وان خلاص المصيفين مشوا وان البلد فاضيه تحس ان يعني الجو هادي قوي حتى الصوت يعني كان في في الشارع واحنا ماشيين لا مافيش صوت مافيش ضجه جامده زي ما كنا وبعتذر طبعا لكل اللي بيضايقهم منظر اكياس المرميه في الارض والورق والكلام ده هنعمل ايه؟ المفروض اصحاب المحلات هم اكت ناس يهتموا بالموضوع ده لان كل واحد بينظف قدام المحل بتاعه ده غير طبعا عمال النظافه يعني عمال النظافه طول ما انت ماشي هتلاقيهم موجودين في كل حته وشغالين لكن مع حركه البيع والشراء واستهار برده اصحاب المحلات وكده والرمي يعني ده اللي بيخلي الشارع بالمنظر ده لكن لو جيت الصبح هتلاقي انظف من كده بكتير لان احنا دلوقتي بالليل الساعه 8:00 دلوقتي تقريبا يعني قرب العشاء فعدى وقت كبير بقى في الحركه في الشارع والبيع والشراء ورمي اكياس زي ما انتم بتشوفوا بس طبعا ده مش مبرر مش مبرر ابدا يعني ان يبقى الشارع بالمنظر ده احنا طبعا عايزين الشارع يبقى دايما نضيف دايما شكله حلو خصوصا ان طول ما انا ماشيه كان في جنسيات كتير في الشارع يعني شارع خالد بن الوليد مشهور شهره جامده جدا في اسكندريه درجه ان اي حد بيجي اسكندريه لازم بيبقى متواجد في شارع خالد بن الوليد غير المصيفين بيبقوا مصريين بيبقوا من المحافظات لكن طول ما انا ماشيه انا سامعه لهجات كتير خليج جي وسمعه لهجات مغربيه وحتى شفنا ناس تقريبا افارقه او يعني من من شرق افريقيا او كده ف يعني عيب بيبقى منظر شوارعنا كده بالطريقه دي وهرجع واقول ان دي مسؤوليه اصحاب المحلات هم اللي عاملين كده في الشارع مش اي حد تاني بس عموما احنا بنصور المكان زي ما هو انا لما بعمل جوله او بصور فيديو انا بصور المكان زي ما لاني باختصار بعشق اسكندريه زي ما هي على اي حال اسكندريه بتبقى فيه انا بحبها وبحب كل مكان فيها وده سبب ان انا عملت القناه اصلا ان انا قد ايه مغرمه باسكندريه ومغرمه بالاماكن اللي فيها والمناظر الجميله سبحان الله يبقى منظر السما مع البحر مع الشمس في الغروب مع يعني سبحان الخالق وخصوصا في الشتاء عايزه اقول لكم اسكندريه في الشتاء ساحره يعني بمعنى كلمه ساحره اسكندريه على فكره في الصيف ولا حاجه بالنسبه لجمالها في الشتاء خصوصا جو الغيوم بقى مع المطر والشوارع وهي غرقانه بقى من الشتاء لا بيبقى ليها بريق ثاني خالص في الشتاء وخلاص الشتاء على الابواب وربنا يدينا العمر وهنتقابل على القناه هنا بفيديوهات اسكندرانيه شتويه رائعه باذن الله ونكمل مع بعض شارع خالد ابن الوليد باجوائه الهاديه دي و قربنا من تقاطع خليل حماده وده شارع رئيسي برده من شوارع اسكندريه او من شوارع سيدي بشر شارع يعني مشهور جدا في سيدي بشر بيتقاطع مع شارع خالد بن الوليد وبيبقى فيه على فكره اغلب الشقق اللي بتبقى ايجار ثانوي او ايجار مصيفي او كده علشان كده بنلاحظ هنا تعدد الجنسيات وان في ناس كتير قوي من بره البلد في المكان ده بالذات [موسيقى] برغم ان كنا يعني كانت الساعه 8:00 او كده كان يعني تحس من الصوره او من الفيديو ان الجو لا يعني الوقت متاخر شويه تقريبا السبب في كده وجود الازاله لان لما بيكون في ازاله بتبقى الدنيا متكهربا كده والناس مش على بعضها وده كان اخر الفيديو بتاعنا دي كانت جولتنا في شارع خالد بن الوليد مع انتهاء الموسم الصيفي وشوفنا قد ايه الشارع كان متغير ومختلف عن مكان في الصيف اتمنى تكون الجوله عجبتكم ولو مهتمين باسكندريه وكل اخبار اسكندريه اعملوا لايك للفيديو واشتراك في القناه عشان يوصلكم مني كل جديد.

شارع خالد بن الوليد بالإسكندرية
شوارع اسكندرية
اشهر شوارع الاسكندريه
اكثر شوارع الاسكندرية شهرة
اكثر شوارع الاسكندرية اقبالآ
شارع خالد بن الوليد بعد انتهاء موسم الصيف
شارع خالد بن الوليد عامل ازاي في الشتا
ازالة في شارع خالد بن الوليد
شارع خالد بن الوليد في ميامي
things to do in Alexandria egypt
Alexandria egypt walking tour
walking in Alexandria egypt
Alexandria egypt history
Alexandria egypt tour
Alexandria egypt vlog
ancient Alexandria egypt
#اسكندرية #اكسبلور #alex #ترند #محافظة_الاسكندرية #الاسكندرية #الاسكندريه #alexandria #alexanderthegreat #alexander
#اسكندريه #معالم_الإسكندرية