متحف الأحياء المائية بالإسكندرية .. الجزء الثاني Alexandria aquarium

متحف الأحياء المائية بالإسكندرية .. الجزء الثاني Alexandria aquarium

السلام عليكم نتقابل في فيديو جديد من فيديوهات اسكندريه ومكان جديد من اماكن اسكندريه وفيديو النهارده هو الجزء الثاني من جولتنا في متحف الاحياء المائيه بجوار قلعه قايد باي في اسكندريه وتعالوا نشوف بقى الممر الثاني من ا متحف الاحياء المائيه لان احنا في الجزء الاولاني كان الممر الاولاني دلوقتي هنكمل في الممر الثاني وهنشوف بقيه احواض السمك وبقيه اشكال السمك الموجوده في ا متحف الاحياء المائيه تعالوا نشوف شكل السمكه دي وجمالها والغريب فيهم كمان بصوا يعني ثباتهم الغريب ده بصوا الاسماك كلها حاليا ثابته ازاي كان بنصور فيلم وموقفين فين ال موقفين الحركه بصوا ثابتين كلهم ازاي مش عارفه في ساعتها دول كانوا نايمين ولا ايه مش فاهمه بصراحه ولا كانوا ثابتين الثبات ده ليه مش عارفه بصراحه تعالوا نشوف بقى الحوض اللي بعده بصوا اللون مختلف بتاع الاسماك ده الاصفر الكناري ده وجماله بقى وهم كمان حاطين ديكورات جوه الحوض بالشجر الاخضر ده مخليين في تناسب الجميل بين الاخضر والاصفر الوان جميله جدا و بس هو معظم السمك في الحوض ده صغير قوي بصوا احنا يعني انا مقربه قوي التصوير لان السمك صغير ونلاحظ كمان في الحوض ده ان في بعض الكوينز فيه وفي ال الاساور دي او الحظاظات دي انا سالت هناك قالوا ان المفروض يعني هو الناس هي اللي بترمي الحاجات دي الزوار يعني مع اني اعرف ان غلط جدا على الاسماك ال وجود معادن في الاحواض بتاعتها مش عارفه بقى ده ايه بصراحه بصوا في كوينز كتير جنيهات اهي معدن كتيره قوي بصوا بسال قالوا لي لا هما الزوار هم اللي بيرموهم بس والله ما عرفت هم بيرموهم منين مش انا مش لاقيه اي منفذ في الحوض مش عارفه بقى ولا ده منظر جمالي ولا ايه مش عارفه بقى هم قاصدين يعني يحطوهم علشان يبقى شكل الحوض مختلف ولا هو فعلا الزوار اللي بيرموا الجنيهات دي مش عارفه بصوا هتلاقي الارضيه كلها بقى جنيهات واساور اللي هي الحظاظات دي البلاستيك تعالوا نشوفوا بقى الحوض ده الحوض ده المفروض قابلني وانا داخله بس كان متعكر قوي كانت الرؤيه فيه مش حلوه ومش عارفه اصور فسبته وبعدين رجعت له تاني بس السبب بقى اللي هو متعكر بصوا السمكه دي هوريها لكم عماله بقى تنبش في الارض تحت في ال في القاع بتاع الحوض تحت تقريبا بتدور على اكل او على حاجه زي كده فمخليه بقى الحوض كله متعكر هو الازاز كان صافي جدا الازاز ما كانش فيه ال الشبوره دي او ما كانش فيه اللي هو ايه الصوره الملبشه دي بس ا السمكه دي اللي كانت بتدور على الاكل هي اللي كانت عامله ال عامله القلبان ده جوه الحوض بصوا دي جمالها وبصوا لونها الاورنج في بيج ده حلو قوي ودي كمان بيج وفيها اسود وفيها اورنج تعالوا نرجع بقى للحوض الثاني بصوا السمكه دي بتاكل هجيبها لكم وهي بقى ماسكه سمكه صغننه قوي وبتاكل فيها بصوا يعني هي غالبا اخدت بتاع ساعه كده بتاكل في حته السمكه بصوا سبحان الله انا اول مره اشوف سمكه بتاكل اول مره يعني وانا بصور كده قابلني ان السمك بياكل دي حاجه بقى بالنسبه لي كانت واو طول عمرنا بنشوف السمك واحنا بنشتريه يعني السمك لا حول له ولا قوه يعني لكن دي ماسكه سمكه وبتاكل بصوا الطريقه وبتاكل بكميه صغيره جدا هنروح للحوض اللي بعده بس هنرجع هنشوف سمك ثاني بياكل وهن هنشوفه في التصوير شوفوا بقى السمكه الاورنج في ذبي دي الاشهر من سمك التزيين او سمك الزينه اكث سمكه بنلاقيها في محلات ا الزينه بتاعه ا الاسماك بس طبعا بتبقى حجم صغير عندها لان الحجم اللي انا شفته هنا كان كبير عن اللي احنا بنشوفه في ال في محلات اسماك الزينه بس جمالها ما شاء الله الله اكبر بصوا حلاوتها والوانها زاهيه ازاي لا وديلها من ورا تحس ان في ريش ده مش ديل مش ديل سمكه عادي جميله جدا جدا بصوا بتدور في الارض برده على اكل كمان شوفوا شويه السمك الصغيرين قوي دول بصوا حواليهم في سمك صغير كتير سبحان الله منظرهم بصراحه مبه مبهد جدا بصوا سبحان الخالق المبدع على كل لون وعلى كل شكل وعلى هيئات مختلفه كمان يعني كل سمكه ليها شكل منفرد وليها هيئه في جسمها مختلفه سبحان الله بصوا حقيقي ديلها ده كانه ريش مش كانه ديل سمكه ابدا كل حوض بنلاحظ ان بيبقى فيه نوعين مختلفين او ثلاثه من السمك مش نوع واحد الا الحوض ده الحوض ده ما كانش فيه غير هم الثلاث سمكات دول طبعا كلهم الشكل ده مش عارفه ليه بقى ولا معاهم سمك صغير من نفس الشكل ولا معاهم بقى نوع ثاني من الاسماك ليها شكل تاني مش عارفه النوع ده بينقرض ولا هو قليل ولا مش بيتكاثر ولا ايه مش عارفه بس ما شاء الله بصوا جمالهم اللون الاخضر ده مع الاورنج تحفه ونيجي للحوض ده بقى وهو موجود في منتصف الممر او في يعني او في اخر الممر فهو بقى اكبر الاحواض لانه واخد جهه يمين وجهه شمال وكمان الجهه اللي في المنتصف فهو واخد مساحه كبيره جدا بصوا نوع السمك الابيض ده احنا متعودين طول عمرنا السمك يا اما رمادي فضي اورنج بيبقى مثلا قليل زي سمك المرجان والكلام ده لكن بصوا السمك الابيض الصافي ده الناصع سبحان الله وبحمده حتى اللون الابيض موجود في الاسماك وكمان السمك الاسود في ابيض ده حاسه ان هو واخد شكل القرش او الحوت. بصوا من تحت التدريجه بتاعه الابيض اللي فيه دي ومن فوق ابيض من فوق قصدي اسود شكله مختلف وفريد جدا وراس السمكه تحسوا ان هي مقلوبه يعني تحسوا ان راس السمكه المفروض عينها تبقى فوق لا دي عينها تحت سبحان الله بصوا فتحه بق السمكه دي بيقولوا ان هي كده بتذكر ربنا يعني بتذكر الله على طول شوفوا السمك الابيض جنب الاسود شكله تحفه ونشوف هنا بقى مجموعه اسماك مختلفه واشكال مختلفه هنا المفروض ان في في الحوض ده سمكه اه الزرقاء دي اهي اهي او اللي لونها لبني دي بصوا بقها بقى شكله له شكل مختلف برده وراسها عموما يعتبر برده واخده شكل البغبغان من قدام لان كان في كذا سمكه مكتوب عليها سمكه البغبغان لان ما يميزها ان بقها شبه جدا بق البغبغان ‏M. بصوا السمكه الاصفر في ازرق دي مخططه جميله اهي لونها ازرق تاني عدت تحف تحف بجد ما شاء الله ما شاء الله سبحان الله يعني خلقه سبحان الخالق المبدع سمك اشكال والوان واحجام وهيئات مميزه جدا ومختلفه جدا السمكه دي كانت قريبه قوي من الزجاج بتاع ال بتاع الحوض فكنت بصورها قريب قوي منها بالمناسبه الزجاج ده مش شفاف يعني السمك مش شايفنا الزجاج ده من جوه عاكس يعني زي مرايه كده من جوه لكن احنا شايفين اللي جوه يعني السمك طبعا في ملكوت تاني هو مش مش ملاحظ ان في حد بيتفرج عليه ولا حد واقف قصاده ولا كده هم في ملكوت تاني خالص شوفوا هنلاحظ ان شويه السمك اللي هنا برده ثابتين واو شوفوا السمكه الابيض في اسود والله انا بتفرج معاكم يعني انا لما كنت بصور كنت مندمجه في التصوير ومنجه في ان انا يعني بنجز حاجه بعملها لكن حاليا انا بتفرج برده بصوا شكل السمكه دي جميل ازاي بصوا شويه السمك بقى اللي لسه طالعين من البيض دول بصوا عاملين ازاي سبحان الخالق المبدع سبحان الله وبحمده يعني الكلام مش بيعبر فعلا عن مدى جمال ال مخلوقات ربنا وابداعه في خلقه تعالوا هنرجع تاني بقى للسمك اللي بياكل ده هنصور برض سمكه تانيه بتاكل تقريبا دي كانت نفس فصيله السمكه اللي كنا مصورينها من شويه كانت بتاكل بصوا اهي ماسكه جزء من سمكه وبتاكل بقى فهي بتاكل على مهلها قوي وشوفوا نوع السمك المخطط ده كمان جميل جدا جدا هو الحوض هنا ما شاء الله مليان بقى يعني ما فيهوش اعداد قليله في كذا نوع وفي اعداد كمان كبيره كتيره لسه مستمره في الاكل يعني هي لحد دلوقتي تقريبا ما قطمتش قطمه من السمكه شوفوا الجمال وشوفوا الابداع سبحان الله السمكتين دول بصوا بيعملوا ازاي كان بيتخانقوا بصوا احنا جينا هنا عشنا بقى في عالم الاسماك يعني انا حاسه ان احنا في برنامج العلم والايمان بتاع مصطفى محمود احنا مشغالين الفيلم حاليا وبنتكلم كان مصطفى محمود بالظبط. شوفوا هنا كمان الالوان دي الاورنج والابيض انا في الممر اللي قبل ده كنت دايما بصور النشره او اللي هو التعريف بالحوض وكده كنت بلاقيه ملائم يعني للي جوه الحوض لكن هنا مش كتير ملائم فعشان كده ما كنتش بصور كتير لقيت بيبقى مكتوب اسم سمكه وجوه الحوض بيبقى سمكه تثانيه شوفوا السمكه دي شوفوا جمالها وبصراحه اكت حاجه خدت بالي منها يعني اللي عمل الديكورات جوه الاحواض مبدع مبدع بصوا علشان السمك هنا اورنج حاطين لهم برض ايه اللي هي الديكور اللي هو فيه اورنج ده اللي هو الزرع الاخضر ده وفيه اورنج عامل ماتشينج مع الوان السمك اللي موجوده فهو فعلا فنان يعني غير طبعا بقيه الديكورات اللي ورا كان الكهوف دي او اللي هو بقيه الاشجار بقى والحاجات دي شكلهم تحفه بصوا السمكه الابيض في اورنج دي شبه السمكه الاورنج اللي هي كانت بقول لكم ديلها كانه ريش مش كانه ديل سمكه تقريبا هي نفس الفصيله بس اللون مختلف لكن السمكه الاورنج ده دي نوع ثاني خالص واو شوفوا بقى السمكه الفضي دي اللي بقول لكم عليها دي الدولار الفضي اهي لما بلاقي موجود نفس النشره بنفس نوع السمكه بصورها بصوا بقى الفض دي الفظيع ده بصوا بيبرق ازاي بصوا كان مرايه سبحان الله بصوا الجمال سبحان الله وبحمده جميله جميله جدا بصوا كمان ديلها شفاف ازاي سبحان الله والسمكه اللي تحتها دي اللي هي بقى فضي في اسود لا هو فعلا بتدخل المتحف ده وبتدخل المكان ده ما بتبقاش عارف تتفرج على ايه ولا على ايه ولا بتقول الله على ايه ولا سبحان الله على ايه يعني سبحان الله في خلقه يعني سبحان الله شوفوا السمكه اهي الفضي دي برده الثبات اللي بيثبته السمك ده انا مش عارفه ايه السر بيثبته كده بطريقه غريبه ده بصوا الجمال السمكتين دول بيتعاركوا برض ولا ايه؟ مش عارفين مش عارفين في ايه بالظبط عالم تاني بصوا السمكه دي جميله ازاي انا متهي لي الناس اللي تتفرج عليا هتمل من كتر ما انا بقول الله جميله وبتاع بس حقيقي فعلا انا منبهره بكل اشكال السمك ده والوانه حقيقي انبهار ما فيش غير الانبهار و التعجب من يعني قدره ربنا وابداعه في خلقه ونيجي هنا بقى لحوض السلاحف السلاحف دي غير السلاحف اللي صورناها في الممر الاولاني بصوا هنا ايدها مختلفه وظهرها مختلف بصوا شكلها كله مختلف عن السلاحف الاولانيه اللي صورناها والحوض ده السلاحف بس ما فيهوش اسماك بقى بصوا اللي نايمه بقى واللي بتاكل اللي طالعه فوق الميه من فوق اللي طالعه في الهواء فوق واللي قاعده في الميه تحت يعني عايشين حياتهم خالص سبحان الله بس الاغرب بقى من كده يعني في السلاحف اللي هنشوفه في الحوض اللي جاي يعني انا بصور السلاحف اللي موجوده في الحوض اللي جاي دي انا بحسبهم ديكور والله انا بحسبهم ان هم يعني ا سلاحف محنطه ديكور اهم اللي بقول لكم عليهم بس هيجوا في التصوير اوضح من كده انا بحسبهم ان هم ديكور لان من كتر ما انا شايفاهم ما بيتحركوش ووقفت قدامهم فتره ما بيتحركوش لحد ما شفت بقى كذا واحده فيهم لا بتحرك عينها اهم بصوا بس الازاز بقى ايه اا مش صافي شويه اهم بصوا دو المفروض ان دول حيين احياء عادي لكن شوفوا المنظر بصوا اتاري هي السلاحف لما بتبقى مثلا ثابته في مكان بتثبت على اخر وضع اخدته يعني لو راسها مرفوعه بتفضل راسها مرفوعه لو مثلا ثانيه ايديها بتفضل ثانيه ايديها ما بتحركش بقى الوضع ده خلاص دي برده سلحفه بقى نايمه برده تحسها ان هي حج حجر مسنود دي مش سلحفه شايفين هنا بصوا ثابتين ثبات غريب مش هنقول غير سبحان الله وبحمده سبحان الله العظيم وبكده تكون خلصت جولتنا في متحف الاحياء المائيه وشفنا اشكال السمك الجميله والسلاحف المتنوعه اللي شفناها في الاحواض اتمنى تكون جولتنا في متحف الاحياء المائيه عجبتكم وما تكونوش مليتوا لان الفيديو النهارده طويل جدا بس والله هو طويل لكن كله اشكال جماليه ومناظر تبعث الراحه والسعاده والامتنان وكالعاده ما تنسوش لو مهتمين باسكندريه وكل اخبار اسكندريه اعملوا لايك للفيديو واشتراك في القناه عشان يوصلكم مني كل جديد.

متحف الأحياء المائية بالإسكندرية
متحف الأسماك بجوار قلعة قايتباي
اكواريوم الإسكندرية
متاحف الاسكندريه
متاحف مصرية
ملحقات قلعة قايتباي بالإسكندرية

Alexandria aquarium
Alexandria museums
Qaitbay citadel in Alexandria
Egyptian museums
museums in Egypt
things to do in Alexandria egypt
Alexandria egypt walking tour
walking in Alexandria egypt
Alexandria egypt history
Alexandria egypt tour
Alexandria egypt vlog
ancient Alexandria egypt
اسكندرية #اكسبلور #alex #ترند #محافظة_الاسكندرية #الاسكندرية #الاسكندريه #alexandria #alexanderthegreat #alexander
#اسكندريه #معالم_الإسكندرية